ఫెమినా మిస్ ఇండియా తెలంగాణ 2027కు శ్రీకారం చుట్టారు. మిస్ ఇండియా ఆర్గనైజేషన్, మేఘా సర్వీసెస్ ప్రైవేట్ లిమిటెడ్ భాగస్వామ్యంతో మూడేళ్లపాటు ఈ కార్యక్రమాన్ని నిర్వహించనున్నారు. హైదరాబాద్లో జరిగిన కార్యక్రమంలో ఫెమినా మిస్ ఇండియా సౌత్ 2026 ఇందు ఫాల్గుణి, ఫెమినా మిస్ ఇండియా తెలంగాణ 2024 ప్రకృతి కంబం పాల్గొన్నారు.తెలంగాణలోని వివిధ జిల్లాల నుంచి యువ ప్రతిభను గుర్తించి, వారికి శిక్షణ, మార్గదర్శకత్వం, జాతీయ స్థాయి అవకాశాలు కల్పించడమే లక్ష్యమని నిర్వాహకులు తెలిపారు. అందంతో పాటు వ్యక్తిత్వం, ఆత్మవిశ్వాసం, ప్రతిభ, నాయకత్వ లక్షణాలకు ప్రాధాన్యం ఇవ్వనున్నారు. అక్టోబర్, నవంబర్లో రాష్ట్రస్థాయి ఆడిషన్లు నిర్వహించి, డిసెంబర్లో హైదరాబాద్లో గ్రాండ్ ఫినాలే నిర్వహించే అవకాశం ఉంది.ఫెమినా మిస్ ఇండియా తెలంగాణ విజేతకు జాతీయ స్థాయి ఫెమినా మిస్ ఇండియా వేదికపై పాల్గొనే అవకాశం లభించనుంది. ఆసక్తి ఉన్న యువతులు అధికారిక వెబ్సైట్ ద్వారా రిజిస్ట్రేషన్ చేసుకోవచ్చని నిర్వాహకులు జిలాని తెలిపారు.
Leave a Reply